صياديه ست البيت الشاااااطره..بالصور

اليوم حابه تشوفون وتستفيدون واي تعديل منكم استفيد انا
مسويه صياديه وهي اخر الطرق والذها اللي حصلت عليها من مطاامرتي في النت ورااااها
نبدأ بسم الله الرحمن الرحيم
الكميه لشخصين
نقطع بصله كبيره جوانح ونحمرهم الين يصير لونها مثل كذا مو تحترق عشان ما يمرر الطعم
[IMG][/IMG]
وبعد ماننزلها على ورق نشاف نحطها بالخلاط مع ملعقه معجون طماطم ومكعب ماجي وكوب ونص مويه ونخلطها
[IMG][/IMG]
اللحين نكشن شويه بصل ولمن يبدأ يذبل نحط عليه البهارات وهي /هيل و عود قرفه وملعقه صغيره كزبره ناشفه وشويه كمون وشويه فلفل مطحون ونفلبهم مع البصل [IMG][/IMG]
ونغسل قطع السمك زيييين ( فيه انواع معينه من السمك مخصص للصياديه يكون جامد وماينهري بسرعه زي الفارس)
المهم نحط السمك على البصل ونشوحهم شويه ونضيف له موية البصل اللي فالخلاط ونحط الملح بس لاتكثرين لان الماجي مالح [IMG][/IMG]
ونضغطه من 5_7دقايق
[IMG][/IMG]
أتميلح انا وهالصور
ونكون ناقعين الرز بمويه حاااره نص ساعه
ولمن تنتهي المده نفتحه ونوزن الملح ونضيف الرز
[IMG][/IMG]
ونضغطه كمان 6 دقايق تقريبا او الين تشمين ريحته الزااااكيه
[IMG][/IMG]
اللحين لسى ماغرفت العشا ..اذا غرفته صورته لكم مع طريقة الحمر والطحينه اللي مانستغنى عنها مع الصياديه
ننتظر ابو بنتي واقدمه وارد عليكم بنفس الموضوع ان شاء الله

رجعت لكم حبايبي
طريقة الحمر
ننقع الحمر بكاس ماء حااار في الفتره اللي تسوين فيها شغل الصياديه كله
وصفيه بصفايه وحركيه بملعقه وهو بالصفايه عشان ينزل زييين
وحطيه ع النار مع رشة كمون وكزبره ناشفه وخذي كاس شاهي حطي فيه 4 ملاعق صغيره نشأ وذوبيه وصبيه ع الحمر وقلبي اللين يثقل الثقل اللي يعجبك
اما الطحينه
ملعقه مليانه زبادي و3 ملاعق طحينه وشوي خل وملح (انا اسويها بكااس اسهل لي في خلطها)
وهنا انتهينا من السلطات
[IMG][/IMG]
وهذي صياديتنا..وسامحوني على التأخير ورداءة التصوير
[IMG][/IMG]
[IMG][/IMG]
ومن قلبي شكرا لكل وحده ردت لأنكم حمستووووني بقوووه
وان شاء الله انزل لكم طبخاتي مره ثانيه واللي طبق ياااليت تنزل تطبيقها .
في أمـــان الله