أَطهَرْ مِنْ الغَيمْ "..

أَطهَرْ مِنْ الغَيمْ "..
حسبي على الشعر نوب و نوب حسبـي لـه
...... نـوبٍ يخفـف علـي ونــوب يجرحـنـي

عسانـي اخـطـي رداه وهـزلـه وميـلـه
...... واصيـب شـيءٍ لـيـا قلـتـه يربحـنـي

والله يسامـح خـطـاه وســوء تأويـلـه
...... وانـا علـى زلـتـي ربــي يسامحـنـي

النـاس كـلٍ علـى هـمـه يغـنـي لــه
...... وغنيت ل.. أصغر همومي وانكسـر لحنـي

ياصاحبـي صاحـبـك كـثـرت غرابيـلـه
...... ولا بـه الا انــت يشعـربـي ويلمحـنـي

وين انت يـا أطهـر مـن الغيـم وهماليلـه
...... ياللـي ليـا مـر لـك طــاري يفرحـنـي

جاد بَـك كـف الزمـان وشـح مـن ليلـه
...... شـف كيـف الايـام ماتبغـى تريحـنـي!!

وشلـون ابنسـاه وانـا اصغـر تفاصيلـه
...... تسـر حالـي ولـو حـال الزمـن محـنـي

صوته , وضحكه , حـور عينـه , مظاليلـه
...... صباح وجهـه , عسـى وجهـه يصبحنـي

ربكـة يدينـه , شـذى عطـره , ومنديلـه
...... برأتـه , طيشـه ان حــاول يمازحـنـي

اجيه , و أوقف , و أروح ألقاني أجـي لـه
...... وأضيق , و أرضى , ولا ادري من مصالحني

ادل كـل الـدروب الـلـي تــودي لــه
...... وتردنـي عـزتـي والـشـوق ذابحـنـي

ياكثـر حزنـي عليـه وكبـر حبـي لــه
...... وياطول صبري وانا اللـي صـدق جارحنـي

يااطهر مـن الغيـم وأعـذب مـن هماليلـه
...... ياللـي ليـا مـرّ لـك طــاري يفرحـنـي

أخطيت انا وانت , نفس (الجـرح والليلـه)
...... وسامحـك قلبـي وعيـا لا يسامحـنـي!!!!

الله يعطيك ااالف ااالف عافيه
تسلم الايادي يارب على الموضوع الحلو
دمتم لهذا الصرح شامخين,,,
كل الشكر لك وبنتظاار القادم بشوق ,,
مع خالص تحياتي
*&*الكناني(A) *&*

الله يعطيك ااالف ااالف عافيه