~ الحُـب على النت ~

الســــــــلام عليــــــكم
الموضوع باين من عنوانه ،، الحُب من على النت
انا سبب طرحي للموضوع دا انه تقريبا مسالة بتشغل بال مُعظم اللى على النت ،،
ناس كتير بتتجادل حولين النقطة دي عشان كدا انا جيت في قسم النقاش الجاد
عشان نتكلم فيها ،، وانا هقول رايي واللى موافق كويس واللى معارض يناقشنـي ،،
وطبعا اكيد واحد فينا هيقنع التآني ،،

الاول بس قبل متكلم ،، لازم اوضح نقطة اساسية جدا بتتعلق بالموضوع دا
ولازم ناس كتير تفهمها ،،
ان كل اللى على النت من الولاد ،، او 95 في المية مُنهم ،،
بيدخلو على النت عشان خاطر يتكلمو مع بنآت ،،
باختصار اكتر مكان بيشد الشباب ،، المكان اللى فيه تجمع عدد كبير او مرور بارز للبنات
وبما ان البنات عندهم فراغ كبير في وقتهم فاكيد بيقضو وقت كبير جدا منه على النت الا من رحم ربي
ان النت المكان المثالي لاي ولد يتعرف على بنت بسهولة جدا ،، لسبب بسيط ،،
الولد على النت هوا اللى بيحدد الشخصية اللى هيظهر بيها للبنت ،، بعكس الواقع ،،
يعني لو الواد دا حرامي ممكن يعمل نفسه باشا ،، لو هادي ،، يعمل نفسه شقي ،، والعكس
يعني على حسب طبع البنت بيطبع شخصيته عشان يوصلها ،،
وبتبان كتير لما تيجي بنت تقول سنها الاول ويطلع مثلا 20 ،، يكون الواد 17 يقولها 21 او 20
يكون مثلا معاه معهد حاسب الي يقول مخلص هندسة كمبيوتروحاجات كتير
ان الولد علي الواقع لو اترفض مرة خلاص انتهى ،، لكن على النت لا ،، يغير نيم يغير ميل اكونت فيس ، اسمه الشات على المنتدى وهكذا
غير دا ودا ،، ان سعات كتير بيكون الولد دا مثلا خجول
او ان الولد دا يكون معندوش الجراة انه يتكلم مع بنت ،، فطبعا الاسباب كتير
...........
طيب كدا خلصت من نقطة سبب وجود معظم الشباب على النت ،، بالاخص الشتات وغيره
هنيجي للحب على النت ،،
هل معنى الكلام اللى انا قلته دا ان مفيش حُب على النت !! ،، لا طبعآآآآآآ في حُب على النت
بس المشكلة انه نااااااادر جدا لما بيحصل ،،
بيحصل امتى لما الاتنين يكونو واضحين مع بعض وبيتكلمو بصراحة ،، محدش بيتجمل ولا بيتذوق وهوا بيكلم التانى
والاتنين بيتكلمو بصراحة مع بعض ،، طبيعي جدا لما واحد يكلم انسانة بشكل مُستمر ،، ويحسو بالراحة لبعض
بيبدا يبقى في ثقة بينهم وبتيجي مع الوقت من الكلام او المناقشة في كزا موضوع ،، وكلامهم لبعض
اللى بيخلي كل واحد فيهم يقدر يستشف شخصية الشخص اللى بيتكلم معاه
ومحدش يقدر ينكر ان في قصص حٌب على النت بتنجح احيانا وانا اعرف كذا حد حب من على النت وربنا تمملهم بخير

طيب ايه الفرق بين الحُب على النت والحب برة النت ،،
الحُب على النت ميزته ،، انه قبل مبيتم ،، بيبقى كل طرف في الطرفين عارف طبيعة وشخصية التانى بشكل كويس جدا
لان مثلا لما كل واحد فيهم بيجي يحكي للتانى على حاجة بيحيكها بصراحة وبدون خوف او قلق او كدب ،،
بيحكي وبيقول رد فعله او الحاجة اللى كان نفسه فيها فعلا ،، والبنت بتتكلم فيه بتلقائية او شفافية
نادر اوي لو اتكلمت بيها مع حد تعرفه برة النت ،،
في حين ان برة النت ،، هتلاقي الولد لو عرف او شاف بنت ،، نادر جدا مبيعرف حقيقة شخصيتها ،،
وممكن يكون معجب بشكلها بس او او او ،، بعكس على النت بيبقى كل واحد فعلا صادف الشخص اللى هوا شايف انه من جواه بيكمله

.. النقطة هنا ،، ليه البنت تحب من على النت ،،
في حين انها عارفة ان اغلـــب اللى قدامها او بيحاولو يكلموها شباب متسلق نفسه يجرب او يمر بالتجربة دي اللى صحابه مثلا مرو بيها
ومحدش هيقدر ينكر الكلام دا ،، لسبب بسيط ،، ياما شوفنا تجااارب كتيييييييييييير جدا فشلت ،،
يعني باختصار بص على كل تجربة نجحت !! ،، كام تجربة قصادها للحب على النت فشلت !!!!!

فمن البداية الموضوع مش مستحيل او مش موجود زي البعض مبيدعي ،، او انه مشروع فاشل
لا ومتنساش ان النت دا جزء من الواقع ،، وهقولك انه بيبقى مكان زيه زي اي مكان ممكن الولد يصادف فيه البنت
زي مكتبة ، كلية ،، محل ،، جيرة ،، او غيره ،، لان بعد كدا هما الاتنين بيتقابلو لما بيكون في ثقة من الطرفين
وبيخرجو من نمط العالم الافتراضي ،،
لان اللى بيتكلم شخص حقيقي فعلا ،، وبيكلم شخص حقيقي فعلا والاتنين عندهم مشاعر
بس الفكرة انه صعـــــب ونااااادر جدا انه يكون حُب حقيقي ،، خصوصا ان الولاد اللى بتخدع كتييييييير

سوري على الاطالة في الكلام ،، كان نفسي انسق الموضوع .. وحاولت اختصر نقط كتير وفي غيرها غايب عن ذهني دلوقتي
بس انا حبيت افتح مجال النقاش فيه وبدات بوجه نظري واكيد في المؤيد والمعارض ،، وبالتالي باب المناقشة مفتوح
وياما تقنعنــي ياما اقنعك ،،

وان شاء الله قريب هتكلم عن الجواز عن طريق الحب والجواز التقليدي ،، بس هيبقى بتنسيق عن كدا ان شاء الله

تحيآتي للجميــع

مشكورة على الموضوع الرآآآآئع
وعلى الكلمات المعبرة والرآآآآئعة
تقبلي مروري